INTERCAMBIO LINGÜÍSTICO-CULTURAL

Comezamos o intercambio lingüístico-cultural co alumnado da ESO do PROGRAMA DE GALEGO do IES Virgen de la Encina de Ponferrada co primeiro envío de cartas.

AGARDAMOS A RESPOSTA DO ALUMNADO BERCIANO!

DÍA INTERNACIONAL DA POESÍA

Hoxe celebramos o Día Internacional da Poesía cunha lectura de poemas en galego de autores/as como Celso Emilio Ferreiro, Dores Tembrás, Carlos Negro, Manuel María, Ana Romaní, Álvaro Cunqueiro, Marta Dacosta, Marica Campo, Lois Pereiro... Cada alumno/a recibiu un poema que leu na clase de lingua.

"Como forma de expresión íntima que permite abrirse aos demais, a poesía enriquece o diálogo que cataliza todo progreso humano e é máis necesaria que nunca en tempos turbulentos." Mensaxe da Sra. Audrey Azoulay, Directora Xeral da UNESCO, con motivo do Día Mundial da Poesía 2022

CONCURSO DE NOVOS TALENTOS DE RELATO CURTO EN GALEGO

Hoxe Aliena, Enma, Ainara e Cristina de 2º ESO participaron na XIII Edición do Concurso Coca Cola Novos Talentos de Relato Curto.

MOITA SORTE ÁS CATRO ALUMNAS!

DÍA INTERNACIONAL DA MULLER

 

O alumnado da ESO elaborou este mural para facer unha homenaxe ás mulleres de Laxe e a todas as mulleres bergantiñás.