DÍA MUNDIAL DO TEATRO E DÍA EUROPEO DOS ESCRITORES E DAS ESCRITORAS

O Día Mundial do Teatro creouno no ano 1961 o Instituto Internacional do Teatro da Unesco e celébrase en todo o mundo dende o 27 de marzo de 1962, data de apertura en París do “Teatro das Nacións”.

Cada ano, o consello executivo de ITI escolle un personalidade para escribir a mensaxe deste día. En 2023 elixiron a actriz exipcia Samiha Ayoub:

"O que facemos no mundo do teatro como dramaturgos, directores, actores, escenógrafos, poetas, músicos, coreógrafos e técnicos, todos nós sen excepción, é un acto de creación de vida que non existía antes de subir ao escenario. Esta vida merece unha man  agarimosa que a sosteña, un peito amoroso que a abrace, un corazón bondadoso que a simpatice e unha mente sobria que lle proporcione as razóns que necesita para continuar e sobrevivir".

DÍA EUROPEO DOS ESCRITORES E DAS ESCRITORAS

A Comisión Europea anunciou unha nova iniciativa: o Día Europeo dos Escritores e das Escritoras. O obxectivo é promover a lectura entre as persoas mozas e dar a coñecer a riqueza cultural e lingüística europea. Este día celebrarase a partir de 2023 cada 27 de marzo.

INTERCAMBIO LINGÜÍSTICO-CULTURAL

O alumnado de ESO continúa un curso máis co intercambio lingüístico-cultural co alumnado que estuda lingua galega no IES Virgen de la Encina de Ponferrada (León).

Os alumnos e as alumnas de Ponferrada xa recibiron as primeiras cartas dos rapaces e das rapazas do CPI Plurilingüe Cabo da Area de Laxe. O noso alumnado tamén os/as agasallou cos adhesivos que se fixeron aquí para conmemorar o Día Internacional da Lingua Materna 2023.

Agardamos recibir axiña as vosas respostas e compartir moitas máis experiencias!

PRIMAVERA DAS LETRAS: FRANCISCO FERNÁNDEZ DEL RIEGO

A Real Academia Galega ofrece no seu espazo web Primavera das Letras unha serie de recursos lúdicos e didácticos para achegar a rapazada de infantil e primaria á figura e a obra do  autor ao que este ano a institución lle dedica o Día das Letras Galegas: Francisco Fernández del Riego. Atoparedes desde a obra de teatro As cousas de don Paco de Eva Mejuto ata a sección Xoga connosco, con actividades interactivas. 

Tedes toda a información en: https://primaveradasletras.gal/.

DÍA INTERNACIONAL DA POESÍA

A UNESCO conmemora o Día Internacional da Poesía cada 21 de marzo dende 1999. Faino co obxectivo de apoiar a diversidade lingüística a través da expresión poética e fomentar a visibilización daquelas linguas que se atopan en perigo.

“A poesía enriquece o diálogo que cataliza o progreso humano”. 

(Audrey Azoulay, directora xeral da UNESCO)

 

Celebramos o Día Internacional da Poesía coa lectura de poemas na nosa lingua.

Realizouse unha selección de composicións de escritores e escritoras de todos os períodos da literatura galega, entre outros/as: Manuel María, Rosalía de Castro, Álvaro Cunqueiro, Fran Alonso, Ana Romaní, Pilar Pallarés, Celso Emilio Ferreiro, Darío Xohán Cabana, Carlos Negro, Marta Dacosta, Ramón Cabanillas, Olga Novo, Xela Arias…

Cada alumno/a, ao chegar á aula pola mañá, recibiu un agasallo especial: un destes poemas.

Alumnado de 2º ESO

Alumnado de 1º ESO

Os poemas léronse ao longo de toda a xornada lectiva.

Alumna de 3º EP

Alumnado de 3º
EP

Alumno de 3º EP

Alumna de 3º EP

Alumnado de 3º EP

Alumnado de 3º EP

Ainara (1º ESO)

Alejandro (1º ESO)

Celia (1º ESO)

Enma (3º ESO)

Enrique (1º ESO)

Hugo (1º ESO)

Iria (3º ESO)

Laura (1º ESO)

Lucía (1º ESO)

Mateo (1º ESO)

Roberto (1º ESO)

Álex (2º ESO)

Miriam (2º ESO)

Aroa (2º ESO)

Elías (2º ESO)

Nazaret (2º ESO)

Xabier (2º ESO)

Aitana (2º ESO)

DÍA INTERNACIONAL DA NARRACIÓN ORAL

 

CONCURSO "O MES QUE ANDAMOS"

 A alumna gañadora do concurso " O mes que andamos" de febreiro foi:

SARA DEVESA CABREJO (1º ESO)

PARABÉNS!

DÍA INTERNACIONAL DA MULLER

 O alumnado de ESO elaborou esta exposición para conmemorar o Día Internacional da Muller.