INTERCAMBIO LINGÜÍSTICO-CULTURAL

O alumnado de ESO continúa un curso máis co intercambio lingüístico-cultural co alumnado que estuda lingua galega no IES Virgen de la Encina de Ponferrada (León).

Os alumnos e as alumnas de Ponferrada xa recibiron as primeiras cartas dos rapaces e das rapazas do CPI Plurilingüe Cabo da Area de Laxe. O noso alumnado tamén os/as agasallou cos adhesivos que se fixeron aquí para conmemorar o Día Internacional da Lingua Materna 2023.

Agardamos recibir axiña as vosas respostas e compartir moitas máis experiencias!