OS NOSOS CONCURSOS DO SAMAÍN

 O EDLG e o Equipo da Biblioteca convocaron varios concursos para celebrar o Samaín. O venres 28 de outubro faranse públicos os nomes dos gañadores ou gañadoras.

A ORIXE DA NOSA LINGUA

'A orixe da nosa lingua guapa' é un filme da Real Academia Galega baseado nunha idea orixinal da académica Fina Casalderrey e dirixido por Damián Varela, de miramemira. A escritora asina tamén o guión xunto a Fátima R. Ruibal, profesora de galego e a actriz que lle dá vida a mestra-meiga desta historia que mestura realidade e fantasía.

https://academia.gal/

XOGOS TRADICIONAIS GALEGOS

 

O Observatorio do Patrimonio Lúdico, co apoio do Consello da Cultura Galega, ofrécenos unha aplicación sobre os xogos tradicionais (descargable como “xogos tradicionais”), que ten tamén a correspondente versión web; unha ferramenta de interese para o alumnado, para as familias e para o profesorado, que permite incorporar os ancestrais xogos da nosa cultura ao acervo familiar, para consultala con facilidade no interior e no exterior, no rural e no urbano, e que aposta polas tecnoloxías dixitais como canles para preservar, desenvolver e gañar públicos para a cultura e a lingua galegas.

https://www.lingua.gal/

TABOLEIRO "O MES QUE ANDAMOS"

Comezamos o mes de outubro e o EDLG actualiza o taboleiro O MES QUE ANDAMOS.

Dúas alumnas de 4º ESO, membros do EDLG, colaboran na actualización da exposición.

DÍA EUROPEO DAS LINGUAS

Celebramos o Día Europeo das Linguas cun mural sobre distintos idiomas minoritarios do noso continente. 

Na exposición pódense ler poemas en diferentes linguas.

LEILÍA: O CORAZÓN POLO AIRE

A melodía, recollida na parroquia de Baroña, enfía coplas que xiran arredor do baile e das emocións que esperta esta expresión artística. Nelas fálase da necesidade de espazos e de momentos para o lecer compartido.

Vídeo musical dunha peza inédita de Leilía. 

I CONCURSO DE LEMAS A PROL DA LINGUA GALEGA

 A participación no I Concurso de Lemas a prol da Lingua Galega foi alta na ESO.

Na categoría D gañou o traballo presentado por Iria de 2º ESO.

Na categoría E gañou o lema presentado por Samuel de 4º ESO.

PARABÉNS!

OS FROITOS DA LINGUA

 

O alumnado de 1º ESO e 2º ESO fixo unha recollida de léxico relacionado co campo ou co mar.

SESIÓN DE NARRACIÓN ORAL CON CAXOTO

Exitosa función de Caxoto no noso centro! O alumnado de 5º e 6º de primaria e 1º de ESO gozou moito cos seus contos!

VISITA DE HÉCTOR CAJARAVILLE

O luns 30 de maio estivo no noso centro Héctor Cajaraville para falar da súa obra ao alumnado de 3º ESO e 4º ESO. Grazas á editorial Xerais por ofrecernos este encontro e grazas a Héctor pola interesante charla!