I CONCURSO DE LEMAS A PROL DA LINGUA GALEGA

 A participación no I Concurso de Lemas a prol da Lingua Galega foi alta na ESO.

Na categoría D gañou o traballo presentado por Iria de 2º ESO.

Na categoría E gañou o lema presentado por Samuel de 4º ESO.

PARABÉNS!

OS FROITOS DA LINGUA

 

O alumnado de 1º ESO e 2º ESO fixo unha recollida de léxico relacionado co campo ou co mar.

SESIÓN DE NARRACIÓN ORAL CON CAXOTO

Exitosa función de Caxoto no noso centro! O alumnado de 5º e 6º de primaria e 1º de ESO gozou moito cos seus contos!

VISITA DE HÉCTOR CAJARAVILLE

O luns 30 de maio estivo no noso centro Héctor Cajaraville para falar da súa obra ao alumnado de 3º ESO e 4º ESO. Grazas á editorial Xerais por ofrecernos este encontro e grazas a Héctor pola interesante charla!

CONCURSO "O MES QUE ANDAMOS": ABRIL E MAIO

 Saray de 3º ESO foi a gañadora do concurso "O mes que andamos" do mes de abril.

Enma de 2º ESO foi a gañadora deste concurso no mes de maio.

PARABÉNS!

DÍA DAS LETRAS GALEGAS

 

En pé, barudos mozos da aldea,

xa nace o sol da nosa liberdade;

en pé, rapaces, que xa alumea

a luz esgrevia da nova idade.

Valentes mozos galegos

xa é hora d’espertar,

de ouvir da terriña os pregos

e de por ela loitar…

INTERCAMBIO LINGÜÍSTICO-CULTURAL

 

Esta semana enviamos as respostas ás cartas dos compañeiros e compañeiras do programa de galego do IES Virgen de da Encina de Ponferrada. Agardamos que nos escriban axiña!

HOMENAXE A FLORENCIO DELGADO GURRIARÁN

 

O venres 13 de maio o alumnado de ESO celebrou un acto de homenaxe a Florencio Delgado Gurriarán, escritor valdeorrés ao que se lle dedica o Día das Letras Galegas en 2022.

As alumnas e os alumnos participaron nunha lectura de poemas do autor de Córgomo e interpretaron varias pezas musicais, dirixidos/as por Gonzalo, o profesor de Música.

Presentaron o acto Antía e Pablo de 4º ESO.

Mireya, Saskia e Blanca leron unha breve biografía de Florencio Delgado Gurriarán.

A continuación, Blanca, Pablo e Saskia interpretaron a peza "Muiñeira de Santo Andrés de Teixido".

Os alumnos e alumnas de 1º ESO leron poemas de Bebedeira. Participaron: Miriam, Alex, Xabier, Noa, Nazaret, Elías, Alejandra, Aitana e Antía.

O alumnado de 2º de ESO interpretou a peza "O cura de Ames".

Aitor, Sergio, Brais, Iria, Ainara e Iria de 2º ESO leron poemas de Cantarenas.

O alumnado de 3º ESO interpretou "Santo Andrés casamenteiro".

Miguel, Bruno, Nacho, Roi, Leo e Nerea de 3º ESO leron poemas de Galicia infinda.

Gonzalo e Pablo interpretaron a peza "A herba de namorare".

Cintia, Carla, Daniela, Carolina, Samuel, Rosa e Santiago de 4º ESO leron poemas de O soño guieiro.

O alumnado da materia de Música pechou a celebración coa interpretación do Himno de Galicia.

INTERCAMBIO CULTURAL

Xa chegaron as cartas das alumnas e dos alumnos do PROGRAMA DE GALEGO do IES Virgen de la Encina de Ponferrada. Foron rebibidas con moita ledicia. Agora tócanos escribir de novo a nós. 

XIANA TREBOLIÑO

 

Aventura gráfica en vídeo que discorre ao longo do Camiño Inglés. Nela, o personaxe de Xiana Treboliño irá pasando por algúns dos puntos máis emblemáticos desta vía xacobea, onde, para seguir avanzando, deberá resolver enigmas sobre temas culturais, patrimoniais ou de costumes relacionados co lugar. Para superar os retos, nalgúns casos, deberá manexar diversas tecnoloxías como a programación, a robótica, o deseño e a impresión 3D ou a realidade aumentada.

A proposta combina características dunha aventura gráfica e dunha sala de fuxida dixital. Está dirixida á mocidade, ás familias e á contorna educativa.

https://www.lingua.gal/