EXPOSICIÓNS SOBRE FRANCISCO FERNÁNDEZ DEL RIEGO

Expuxéronse nos dous edificios do centro os carteis que enviou a Secretaría Xeral de Política Lingüística sobre a vida e a obra de Francisco Fernández del Riego, autor homenaxeado o Día das Letras Galegas en 2023.

CONCURSO "O MES QUE ANDAMOS": ABRIL

A alumna gañadora do concurso " O mes que andamos" de abril foi:

                                      ENMA LOBELOS LEMA (3º ESO) 

                                                          PARABÉNS!

CORRELINGUA 2023

O alumnado de 3º de primaria e 2º de ESO participou hoxe no Correlingua 2023, que ten como lema "Na casa, na escola, bota a lingua fóra".

O alumnado de 2º ESO encargouse de elaborar a pancarta do noso centro.

A andaina comezou diante do pavillón polideportivo de Riazor e rematou onda a Torre de Hércules. Alí, leuse un manifesto a prol da lingua galega e entregouse o premio á mellor pancarta. Ademais, o alumnado puido gozar da actuación do grupo Cuarta Xusta.

II CONCURSO DE LEMAS A PROL DA LINGUA GALEGA

O EDLG convoca o II CONCURSO DE LEMAS A PROL DA LINGUA GALEGA.

DÍA DO LIBRO 2023

Para celebrar o Día Internacional do Libro, o EDLG deseñou un cartel no que se promociona a lectura en lingua galega. 

Este contén un código QR que leva a un vídeo gravado polo alumnado de ESO. Os rapaces e as rapazas falan sobre as súas lecturas preferidas en galego.

O traballo pódese ver no seguinte enlace:

VÍDEO: LECTURAS EN GALEGO

ALUMNADO PARTICIPANTE

1º ESO

Ainara Cundíns Pérez

Sara Devesa Cabrejo

Roberto Márquez Baneira

Laura Órdoñez Vázquez

Lucía Souto Suena

Mateo Toja Gómez

Alejandro Vázquez Miñones

2º ESO

Nazaret Álvarez Fernández

Xabier Gómez Romero

Miriam Insua Silva

Álex Pose Abelenda

Noa Romero Cousillas

Xiana Sueiro Eiroa

3º ESO

Sara Bello Agra

Iria Costa Dourado

Enma Lobelos Lema

Ainara Rodríguez Blanco

Cristina Santos Facal

4º ESO

Mireya Carballo Senande

Blanca Charlín Quintela

Xeima Manmina Suárez

Nerea Pombo Cousillas

Saskia Rodríguez Fidalgo

Marcos Suárez Toja

Algúns grupos de primaria elaboraron colgadores para as portas para conmemorar o Día do Libro.

Colgadores de 3º de primaria

Ademais, os nenos e as nenas recomendaron lecturas en galego aos seus compañeiros e compañeiras.

Alumno de 3º de primaria

Alumna de 3º de primaria

Alumna de 3º de primaria

Alumna de 3º de primaria

CONCURSO "O MES QUE ANDAMOS": MARZO

 A alumna gañadora do concurso " O mes que andamos" de marzo foi:

                                      CELIA VIDAL LÓPEZ (1º ESO) 

                                                          PARABÉNS!

DÍA DAS ARTES GALEGAS

A Real Academia Galega das Belas Artes conmemora cada 1 de abril, dende 2015, o Día das Artes Galegas. En 2023 homenaxéase a Martín Códax.

Martín Codax foi un xograr galego, probablemente da zona de Vigo, que viviu entre a segunda metade do século XIII e comezos do século XIV. Del consérvanse sete composicións que están recollidas nos cancioneiros da lírica galego-portuguesa e tamén no Pergamiño Vindel. Neste pergamiño gárdase a notación musical das cantigas.

Alumnos/as voluntarios/as de 3º ESO e 4º ESO do CPI Cabo da Area, do IES de Arzúa e do IES Virgen de la Encina de Ponferrada fixeron este traballo para homenaxear a Martín Códax.

VÍDEO DE HOMENAXE A MARTÍN CÓDAX

DÍA MUNDIAL DO TEATRO E DÍA EUROPEO DOS ESCRITORES E DAS ESCRITORAS

O Día Mundial do Teatro creouno no ano 1961 o Instituto Internacional do Teatro da Unesco e celébrase en todo o mundo dende o 27 de marzo de 1962, data de apertura en París do “Teatro das Nacións”.

Cada ano, o consello executivo de ITI escolle un personalidade para escribir a mensaxe deste día. En 2023 elixiron a actriz exipcia Samiha Ayoub:

"O que facemos no mundo do teatro como dramaturgos, directores, actores, escenógrafos, poetas, músicos, coreógrafos e técnicos, todos nós sen excepción, é un acto de creación de vida que non existía antes de subir ao escenario. Esta vida merece unha man  agarimosa que a sosteña, un peito amoroso que a abrace, un corazón bondadoso que a simpatice e unha mente sobria que lle proporcione as razóns que necesita para continuar e sobrevivir".

DÍA EUROPEO DOS ESCRITORES E DAS ESCRITORAS

A Comisión Europea anunciou unha nova iniciativa: o Día Europeo dos Escritores e das Escritoras. O obxectivo é promover a lectura entre as persoas mozas e dar a coñecer a riqueza cultural e lingüística europea. Este día celebrarase a partir de 2023 cada 27 de marzo.

INTERCAMBIO LINGÜÍSTICO-CULTURAL

O alumnado de ESO continúa un curso máis co intercambio lingüístico-cultural co alumnado que estuda lingua galega no IES Virgen de la Encina de Ponferrada (León).

Os alumnos e as alumnas de Ponferrada xa recibiron as primeiras cartas dos rapaces e das rapazas do CPI Plurilingüe Cabo da Area de Laxe. O noso alumnado tamén os/as agasallou cos adhesivos que se fixeron aquí para conmemorar o Día Internacional da Lingua Materna 2023.

Agardamos recibir axiña as vosas respostas e compartir moitas máis experiencias!

PRIMAVERA DAS LETRAS: FRANCISCO FERNÁNDEZ DEL RIEGO

A Real Academia Galega ofrece no seu espazo web Primavera das Letras unha serie de recursos lúdicos e didácticos para achegar a rapazada de infantil e primaria á figura e a obra do  autor ao que este ano a institución lle dedica o Día das Letras Galegas: Francisco Fernández del Riego. Atoparedes desde a obra de teatro As cousas de don Paco de Eva Mejuto ata a sección Xoga connosco, con actividades interactivas. 

Tedes toda a información en: https://primaveradasletras.gal/.